23, აგვისტო 2021 21:47:00
საქართველოში, ვირუსით ინფიცირებულთა რაოდენობის ზრდამ და სიტუაციის გაუარესებამ ეპიდემიის გავრცელებასთან ბრძოლის ერთადერთ იარაღად სოციალური პასუხისმგებლობა და ფიზიკური დისტანციის შენარჩუნება აქცია. მიუხედავად მძიმე ეპიდემიოლოგიური ვითარებისა, ბოლო ერთი კვირის განმავლობაში, ფართომასშტაბიანი გასართობი ღონისძიებების გამართვის გამო, 18 ობიქეტი დაილუქა. მათ შორისაა, „სანსეტ ბათუმი“, რომელიც ჯანდაცვის მინისტრის ბრაძანებით, კოვიდრეგულაციების დარღვევის გამო, შრომის ინსპექციამ დახურა. მოქალაქეების თქმით, რესტორნებს პანდემიის პირობებში დიდი პასუხისმგებლობა მართებთ.
სარესტორნო ბიზნესის წილ პასუხისმგებლობაზე საუბრობს, „ნაციონალური მოძრაობის“ წვერი, ლევანი ანთაძეც. მისი თქმით, პანდემიის მძვინვარების პერიოდში, სასიცოცხლოდ მნიშვნელოვანია თავშეყრის ადგილებმა ზედმიწევნით გათვალისწინონ ყველა რეგულაცია.
„სოციალური სამართლიანობის“ წვერის, გიორგი ცინცაძის განცხადებით, მომსახურეობის სფეროში ბევრი დარღვევა არსებობს და ხშირ შემთხვევაში კაფე-რესტორნები ვერ იცავენ რეგულაციებს, რაც ვირუსის გავრცელებას უწყობს ხელს.
საქართველოს ჯანდაცვის მინისტრი ეპიდვითარების გაუარესებას მოქალაქეების მხრიდან რეკომენდაციების და რეგულაციების შეუსრულებლობას უკავშირებს. ეკატერინე ტიკარაძის განცხადებით, სპეციალისტების გაფრთხილებები საკმარისი არ აღმოჩნდა იმისთვის, რომ მოსახლეობას დაეჯერებინა, რამხელა რისკი და საფრთხე არსებობდა.
ცნობისთვის, საქართველო კოვიდის გავრცელების მხრივ, მსოფლიოში პირველ ადგილს იკავებს. დღითიდღე იზრდება ინფიცირებისა და სიკვდილიანობის მაჩვენებელი. მიუხედავად ასეთი მძიმე ფონისა, თავშეყრის ადგილებს არ აქვთ, გათავისებული სოციალური პასუხისმგებლობის მნიშვნელობა, რომელსაც პანდემიის დამარცხებაში გადამწყვეტი მნიშვნელობა აქვს.