დატბორილი სახლები, ეზოები და მიმდებარე ტერიტორიები. ასეთი მდგომარეობა ბათუმის პარალელურად მახვილაურშიცაა. უხვი ნალექის სედეგად სოფელში მცხოვრებლებმა, საარსებო წყაროები დაკარგეს. დაიხოცა შინაური ფრინველები. მაცნე დღეს ერთ-ერთ დაზარალებულ ოჯახში იმყოფებოდა. სურმანიძეები ახლა ხელისუფლების დახმარების იმედად არიან დარჩენილები. დეტალები გოგა ანთიძის რეპორტაჟში.
როგორც ყოველთვის, ახლაც ძლიერი წვიმის შედეგად ქუჩები და საცხოვრებელი სახლები დატბორილია. მოქალაქეებს, გაუმართავმა სანიაღვრე სისტემებმა დიდი ზარალი მოუტანა. მათგან ერთ-ერთი ვახტანგ სურმანიძეა, რომელსაც ადიდებულმა მდინარემ საცხოვრებელი სახლი წყლით დაუტბორა.
აშკარაა, რომ რიჟვაძის მეთაურობით განხორციელებული სანიაღვრე სისტემების პროექტმა, რაშიც მილიონობით ლარი დაიხარჯა, შედეგი ვერ გამოიღო. ვახტანგ სურმანიძე კი, ამის ნათელი მაგალითია. იგი აღნიშნავს, რომ ადიდებულმა წყალმა ერთადერთი შემოსავლის წყარო, ქათმების ფერმაც გაუნადგურა და ახლა სახლ-კარისა და შემოსავლის გარეშე დარჩა.
მიუხედავად იმისა,რომ მთავრობის უგუნურობის გამო დაზარალებულმა, მერიას არაერთხელ მიმართა, უწყების წარმომადგენელმა სატელეფონო ზარზეც კი არ უპასუხა. რა თქმა უნდა, ჩვენ გვესმის, რომ ხელვაჩაურის მერის წარმომადგენელი, ბატონი რაული, ძალიან დაკავებული პიროვნებაა, მაგრამ აღნიშნულ თემაზე დაკავშირება მაინც ვცადეთ, რის შემდეგაც მან გვიპასუხა , რომ შემთხვევის ადგილას სამუშაოები მიმდინარეობს, თუმცა ადგილზე მისულ გადამღებ ჯგუფს მხოლოდ განადგურებული სახლ-კარი და დახოცილი ფრინველი დაგვხვდა.
იმ ფონზე, როცა ყოველი გაწვიმებისას ბათუმში წყალდიდობაა, თითქმის ყველა ქუჩა დატბორილია და მოქალაქეების ზარები 112-ში არ წყდება აჭარის მთავრობის თავმჯდომარე ზღვაზე კუნძულის აშენებას გეგმავს. როგორ აპირებს „ოცნება“ მოსახლეობისთვის ერთ-ერთი მთავარი პრობლემის მოგვარებას, უცნობია.
3
s
s
s