24, ოქტომბერი 2019 20:55:00
თვეების წინ დაწყებული პროტესტი და უცვლელი მოთხოვნა ცენტრალულ ხელისუფლებასთან. მახვილაურში მცხოვრებლები ქობულეთი ბათუმის შემოვლითი გზის მშენებლობის გამო თავს დაზარალებულებად მიიჩნევენ და დაბზარული სახლებიდან განსახლებას ითხოვენ. დღეს ქუჩაში გამოსულებს სახელწიფომ კიდევ ერთხელ გაუმეორა, რომ მათი პრეტენზიები უსაფუძვლოა.
დაბზარული კედლები და დაზიანებული სახურავი. ასლან დუმბაძე გვიყვება, რომ საფრთხის შემცველ გარემოში მას შემდეგცხოვრობს , რაც აღნიშნულ ტერიტორიაზე ქობულეთი-ბათუმის შემოვლითი გზის მშენებლობა დაიწყო. ოჯახის უფროსი ამბობს, რომ ბურღვა აფეთქებითი სამუშაოების შედეგად სახლს ბზარები გაუჩნდა.
დუმბაძეების ოჯახი განსახლებას უკვე რამდენიმე თვეა ითხოვს. ყვებიან, რომ ადგილობრივ ხელისუფლებას რამდენჯერმე მიმართეს, თუმცა უშედეგოდ. დღეს საქართველოს საავტომობილო გზების დეპარტამენტისთვის ხმის მისაწვდენად საპროტესტო აქცია გამართეს.
იგივე პოზიცია აქვს უფლებადამცველსაც. თამაზ ბაკურიძე ამბობს, რომ ფერიაში, მახვილაურის ქუჩაზე მცხოვრებელების ინტერესები ხელისუფლებამ უნდა გაითვალისწინოს. მისივე თქმით სამუშაოების დაწყებამდე ტერიტოია გეოლოგებს უნდა გამოეკვლიათ.
გამოიკვლიეს თუ არა ტერიტორია გეოლოგებმა სამუშაოების დაწყებამდე და დააკმაყოფილებს თუ არა სახელმწიფო მახვილაურში მცხოვრებლებს? ჩვენს კითხვებს საქართველოს საავტომობილო გზების დეპარტამენტში არ უპასუხეს. უწყებაში მხოლოდ სიტყვიერად განმარტეს, რომ საცხოვრებელ სახლებზე გაჩენილი ბზარები საშიშროებას არ წარმოადგეს.