29, სექტემბერი 2021 19:19:00
მსგავს სურათს, ქალაქის მრავალ ქუჩაზე შეხვდებით. წინასაარჩევნო ბანარები, რომლებიც ოპოზიციური პარტიების, ახალგაზრდული ფრთის წევრებმა ქალაქსა თუ სოფლებში გააკრეს დაზიანებულია. მაგალითად, პარტია „ლელო საქართველოსთვის“, თითქმის ყველა კედელზე განთავსებულ პლაკატზე, არჩილ ჩიქოვანის ფოტოა გადაკრული.
საარჩევნოდ, სააგიტაციო მასალის განთავსების უფლება, ყველა პარტიას აქვს, თუმცა, „ქართულმა ოცნებამ“ ბანერების გაკვრის უცნაურ ხერხს მიმართა. მმართველი გუნდის მხარდამჭერებმა პარტია, „მესამე ძალა-სტრატეგია აღმაშენებლის“ წინასაარჩევნო კამპანიაც არაფრად ჩააგდეს.
„ლელოს“ მსგავსად, ჯანსაღი კონკურენციის წესები გახარიას პარტიის მიმართაც დაირღვა. რაც არ უნდა გასაკვირი იყოს, ამჯერად, ოპოზიციურად განწყობილი სუბიექტის ბანერზე, „ცესკოს“ საცნობარო ფლაიერი გვხვდება გაკრული. პარტიაში „საქართველოსთვის“, ფიქრობენ, რომ ცენტრალური საარჩვენო კომისია მმართველ გუნდთანაა შეკრული და ამას მიზანმიმართულად აკეთებს.
რა სახის დარღვევაა მსგავსი ქმედება და დასჯადია თუ არა იგი? სამართლიან არჩევნებში ამბობენ, რომ სააგიტაციო მასალის განთავსებაში ხელშეშლა, ასევე განთავსებულის დაზიანება აკრძალულია. მადონა ბერიძის თქმით, ეს კანონდარღვევაა, რაც
ადმინისტაციული სამართალდარღვევის ოქმის შედგენის სახით ჯარიმას ითვალისწინებს.
ბუნებრივია, საკითხთან დაკავშირებით, კითხვების დასმა, „ქართული ოცნების“ წევრებისთვისაც გვსურდა. მმართველი პარტიის საზოგადოებასთან ურთიერთობის სამსახურმა, როგორც სხვა მრავალ კრიტიკულ თემაზე, ამჯერადაც, რესპონდენტი არ შეგვითანხმა. ცნობისთვის, საარჩევნო კოდექსის მიხედვით, სააგიტაციო მასალები კენჭისყრის დასრულებიდან, რამდენიმე დღეში, თავად პარტიებმა უნდა ჩამოხსნან.