09, ოქტომბერი 2021 13:49:00
მაშველებმა ბათუმში, საცხოვრებელი კორპუსის ნანგრევებიდან მცირეწლოვანი ბავშვი და ქალი ამოიყვანეს. მაშველებმა ორივე ცხედარი ერთი და იმავე ლოკაციიდან ამოიყვანეს.
ცნობისთვის, ბათუმში, 26 მაისის ქუჩაზე გუშინ მომხდარი ტრაგედიის შედეგად 8 პირი გარდაიცვალა, აქედან 4 ერთი ოჯახის წევრია. ორი გარდაცვლილის ცხედარი კი, მაშველებმა ნანგრევებიდან რამდენიმე წუთის წინ ამოიყვანეს.
რაც შეეხება 36 წლის მამაკაცს, რომელიც მაშველებმა კორპუსის ნანგრევებიდან გუშინ ამოიყვანეს, ის კლინიკაშია მოთავსებული და მისი მდგომარეობა მძიმეა.