თბილისობის სატელევიზიო ღონისძიება არ ჩატარდება, თანხა დახმარების ფონდში გადაირიცხება - კალაძე
პოლიტიკა
თბილისის მერი ბათუმში, 26 მაისის ქუჩაზე მომხდარ ტრაგედიას ეხმაურება და ავრცელებს განცხადებას, სადაც აღნიშნულია, რომ თბილისობა სატელევიზიო ფორმატში აღარ ჩატარდება, ხოლო გამოყოფილი თანხა დახმარების ფონდში გადაირიცხება.
"ტრაგედია, რომელმაც მთელი ქვეყანა გააერთიანა, ყველას საერთო ტკივილია. თბილისი არის ქალაქი, რომელმაც არაერთხელ აჩვენა გაჭირვების დროს გვერდით დგომისა და სოლიდარობის მაგალითი. დღესაც, ამ მძიმე წუთებში, თბილისი დგას ბათუმის გვერდით.ჩვენი გუნდის გადაწყვეტილებით, ღონისძიება, რომელიც სატელევიზიო ფორმატით თბილისობის აღსანიშნავად უნდა ჩატარებულიყო, გაუქმდება. გამოყოფილი თანხა კი გადაირიცხება ბათუმში მომხდარი ტრაგედიის დროს გარდაცვლილთა ოჯახებისა და დაზარალებულთა დახმარების ფონდში", - აღნიშნულია მერის განცხადებაში.
20
s
s
s