06, ნოემბერი 2021 16:43:00
ამ დროისთვის, მთელი ქვეყნის მასშტაბით, დისტანციურ სწავლებაზე 172 სკოლა და 408 ცალკეული კლასი იმყოფება. ინფორმაციას განათლების და მეცნიერების სამინისტრო ავრცელებს.
უწყების ცნობით, სწავლის სასკოლო სივრცეში განახლებიდან დღემდე ონლაინ რეჟიმში რისკის ჯგუფის 196 მასწავლებელია.
„სტაბილური ვითარება ნარჩუნდება ზოგადსაგანმანათლებლო დაწესებულებებში Covid-19-ის ვირუსის გავრცელების კუთხით. ბოლო შვიდი დღის განმავლობაში კორონავირუსი დაუდასტურდა მასწავლებლების 1%-ს, ხოლო მოსწავლეების – 0.4%-ს. ამ ეტაპისთვის აცრილია მასწავლებელთა და სკოლის ადმინისტრაციის წარმომადგენელთა 70%" - ნათქვამია უწყების მიერ გავრცელებულ ინფორმაციაში.