16, ნოემბერი 2021 13:22:00
"შენი იდეა ბათუმს” - საუკეთესო იდეების გამოსავლენად ხმის მიცემა დაიწყო და 1 დეკემბრის ჩათვლით გაგრძელდება.
საკუთარი არჩევანი ონლაინ რეჟიმში, ვებგვერდზე www.idea.batumi.ge-ზე უნდა გააკეთოთ, რისთვისაც ერთჯერადი რეგისტრაციის გავლა და ავტორიზაციაა საჭირო.
პოზიციის დაფიქსირება ბათუმში რეგისტრირებულ საქართველოს ნებისმიერ სრულწლოვან მოქალაქეს შეუძლია. ერთ ადგილობრივს შესაძლებლობა აქვს ხმა მისცეს სამ იდეას.
ხმის მიცემის ეტაპზე გადასულია 21 იდეა:
1. სკვერი თამარის უბანს
2. სკვერი სამრეწველო უბანს
3. მუნიციპალური აპლიკაცია
4. ქვიშის სათამაშო მოედანი
5. თათების მეგობარი ქალაქი
6. მუნიციპალური საპირფარეშო
7. გავიცნოთ ბათუმის ქუჩები
8. საფეხმავლო ბილიკი სამრეწველო უბანში
9. გარემოს ინფრასტრუქტურა შშმ პირთათვის
10. ტელეფონების დამტენი მოწყობილობები მზის ენერგიაზე
11. გოგებაშვილის ქუჩაზე ტროტუარში ჩაფლული კნეხტის მინით დაფარვა
12. სიკეთის ყულაბა
13. საქანელები ყველას
14. დამინახე სიყვარულით
15. კლასიკური თამაშის პანელი
16. მუდმივად მდგომი მოლბერტები
17. საბავშვო ფესტივალი Kid Fest Batumi
18. მხატვრული მონოლოგების პერფორმანსი
19. თეატრალური ფესტივალი - „პერპეტუმ მობილე“ ფესტივალი - Theater Cruise
20. ბათუმის მოკლემეტრაჟიანი ფილმების ლაბორატორია უსინათლო და მცირედმხედველთათვის
21. ხელმისაწვდომი ძველი ბათუმი
გამარჯვებისთვის აუცილებელია, იდეამ მიიღოს საერთო ჯამში მიცემული ხმების მინიმუმ 20%. გამარჯვებული იდეების ოდენობა განისაზღვრება დაგროვებული ხმების რაოდენობით, პროექტისთვის გამოყოფილი საერთო ბიუჯეტის შესაბამისად.
იდეების განხორციელება ბათუმის მერიის 2022 წლის ბიუჯეტიდან 1 000 000 ლარით დაფინანსდება.
2022 წლისთვის ჯამში 71 იდეა დარეგისტრირდა, რომელთა ანალიზი სპეციალური საბჭოს მიერ, წინასწარ დადგენილი კრიტერიუმების მიხედვით განხორციელდა.
პროექტის მიზანია მოქალაქეთა ჩართულობა საბიუჯეტო პროცესის ნაწილში და მათ საჭიროებებზე დაფუძნებული ბიუჯეტის შემუშავება, რომლის ფარგლებშიც, მოქალაქეების უშუალო მონაწილეობით განისაზღვრება ბათუმის მერიის მიერ განსახორციელებელი პროექტები.
პროექტს „შენი იდეა ბათუმს“ ახორციელებს ბათუმის მერია და ბათუმის მუნიციპალური სერვისების სააგენტო ამერიკის შეერთებული შტატების საერთაშორისო განვითარების სააგენტოს USAID/Georgia დემოკრატიული მმართველობის ინიციატივის პროგრამა GGI Georgia-სა და სამოქალაქო საზოგადოების ინსტიტუტის მხარდაჭერით.