22, ნოემბერი 2021 19:38:00
სახელმწიფო აუდიდტის ბოლო დასკვნის მიხედვით, აჭარის მთავრობა ხალხის ფულის არამიზნობრივად ხარჯვას აგრძელებს. საბიუჯეტო ორგანიზაციების ხარჯების შესწავლით გამოიკვეთა, რომ რიჟვაძის გუნდმა საწვავსა და ავტომობილების მოვლაში 3 მილიონ ლარამდე, გადაჭარბებით დახარჯა. როგორც ანგარიშიდან ირკვევა, ადგილობრივი ხელისუფლების წარმომადგენლები ხალხის ფულს არასამსახურეობრივი საქმეების მოგვარებისთვის სარგებლობს და შვებულების დროს სამსახურის მანქანებითა და საბიუჯეტო თანხებით ნაყიდი ბენზინით გადაადგილდებიან.
აუდიტის დასკვნის მიხედვით, გასულ წელს, აჭარის მთავრობის მიერ არამიზნობრივად, ჯამში, 1168 ლიტრი ბენზინია გახარჯული. დოკუმენტებით ირკვევა, რომ 535 ლიტრის ხარჯვის შემთხვევაში, სამსახუროებრივი საჭიროების დამადასტურებელი მოწმობა არაა წარდგენილი. „საერთაშორისო გამჭვირვალობა საქართველოში“ იმედოვნებენ, რომ დასკვნა თეთრზე შავად დაწერილი არ დარჩება და დარღვევებით საგამოძიებო უწყებები დაინტერესდებიან.
დარღვევები ფიქსირდება, სარეზერვო ფონდიდან თანხების ხარჯვაზეც. აჭარის მთავრობამ ორ მილიონამდე ლარით 591 განაცხადი დააკმაყოფილა. იგივე პრობლემებით მისული 321 მოქალაქე კი, უარით იმ მიზეზით გაისტუმრეს, რომ ჯანდაცვის სამინისტროს შუამავლობა არ ჰქონდათ. ხსენებულ 591 შემთხვევებში კი, მკურნალობისა თუ მედიკამენტების გაცემის ხარჯების დაფინანსება, აღნიშნული მოთხოვნის გარეშე მოხდა. ოპოზიციაში ფიქრობენ, რომ ამ სახით, ამომრჩევლის ირიბი მოსყიდვა განხორციელდა.
თანამდებობის პირების მიერ ხალხის ფულის არამიზნობრივი ხარჯვა საზოგადოებას უსამართლობის განცდას უჩენს. მოქალაქეები ამბობენ, რომ თავად პურსაც ვეღარ ყიდულობენ, ადგილობრივი მთავრობა კი, საბიუჯეტო თანხებით კომფორტს არ იკლებს.
მმართველ გუნდში აუდიტის დასკვნას სარეკომენდაციო დოკუმენტად მიიჩნევენ. არჩილ ჩიქოვანმა განახდა, რომ ანგარიშს არ გაცნობია და ამომწურავ პასუხებს ვერ გაგვცემს.
აჭარის მთავრობაში, სატელევიზიო კომენტრას თავი აარიდეს. წერილობით კი განმარტეს, რომ საწვავის გადაჭარბებითი ხარჯვა გადაუდებელი აუცილებლობით და სწრაფი რეაგირებით იყო განპირობებული.