საგანმანათლებლო დაწესებულებაში ვანდალიზმის ამსახველი კადრები, „TV25”-ს, ექსკლუიურად, ორი დღის წინ მაიწოდეს. პარასკევს მომხდარი ფაქტის შესახებ, ამომწურავ ინფორმაციას, სკოლის დირექტორი, სამი დღის შემდეგაც კი არ ფლობს. ამბობს, რომ ფაქტზე სკოლის დისციპლინარულმა კომიტეტმა მოკვლევა უკვე დაიწყო თუმცა დეტალებზე არ საუბრობს.
ვიდეოში ჩანს, რომ ცეცხლი სკოლის ინვენტარსა და იატაკზე ვრცელდება. მის ჩაქრობას მერვეკლასელები ცდილობენ. ამის მიუხედავად, დირექტორი ფაქტს მოსწავლეების ხუმრობას უკავშირებს და ფაქტს მნიშვნელოვნად არ მიიჩნევს.
ინციდენტში მონაწილე ერთ-ერთი მოსწავლის დედა ამბობს, რომ სკოლის ადმინისტრაციას ვიდეოს გამავრცელებლის დადგენა უფრო სურს, ვიდრე თავად ფაქტის მიზეზის. ამას კი, იმით ხსნის, რომ მის შვილს თანაკლასელები და პედაგოგი, კადრების გავრცელებას აბრალებენ და აბულინგებენ.
მშობელი ყვება, რომ ვანდალიზმისა და მოსწვალეებისთვის საფრთხის შემცველი ქმედებები სკოლაში ხშირად ხდება, რაზეც, ადმინისტრაცია არ რეაგირებს. მოსწვალის დედა ამბობს, რომ მანდატურის სამსახურმა ფაქტების გასაჯაროების ნაცვლად სიჩუმე ურჩია.
განათლების სამინისტროში ამბობენ, რომ აღნიშნულზე რეაგირება, დისციპლინური კომიტეტის პრეროგატივაა, რომელშიც თანაბარი რაოდენობის მასწავლებელი, მშობელი და საშუალო საფეხურის მოსწავლე იგულისხმება. უწყების განმარტებით, ფაქტზე მოკვლევა 3 კვირის ვადაში განხორციელდება, შესაბამის ზომებსაც შედეგების გათვალსიწინებით მიიღებენ.
7
s
s
s