19, ოქტომბერი 2017 20:05:00
"TV 25" რეგიონის პრობლემების ფართო სპექტრს აშუქებდა და საინფორმაციო გამოშვება ფოკუსირებული იყო ადგილობრივ პრობლემებზე - ასეთია საქართველოს ჟურნალისტური ეთიკის ქარტიის წინასაარჩევნო მონიტორინგის შედეგები. კვლევაში ასევე, აღნიშნულია, რომ საინფორმაციო გამოშვებაში ხშირი დრო ეთმობოდა სხვადასხვა მუნიციპალიტეტებში არსებულ ინფრასტრუქტურულ პრობლემებს. ანგარიშში ხაზგასმულია, რომ ეთერში ნაკლებია ექსკლუზიური და სიღრმისეული მასალები. არხი უფრო კრიტიკულია ხელისუფლების და მმართველი პარტიის მიმართ და რამდენჯერმე მათ საზიანოდ ბალანსის დარღვევის ფაქტიც დაფიქსირდა. ყველაზე მეტი უარყოფითი გაშუქება "TV 25" -ის ეთერში "ქართულ ოცნებას" ჰქონდა. კვლევაში ნათქვამია, რომ მაუწყებლის პოლიტიკურ თოქ-შოუში აჭარის სხვდასხვა მუნიციპალიტეტის მერობის კანდიდატები და პარტიის წარმომადგენლები სტუმრობდნენ და მათ ეძლეოდათ საშუალება თავისუფლად გამოეხატათ აზრი, ესაუბრათ საკუთარი დაპირებებზე.