ხვალ, ქვეყანაში ადგილობრივი თვითმართველობის არჩევნები გაიმართება. კენჭისყრის დღისთვის ემზადებიან საარჩევნო ადმინისტრაციები. ოლქების მიერ საარჩევნო უბნებზე ბიულეტენების, კონვერტების, მარკირების შესამოწმებელი სითხეების და სხვა საჭირო ინვენტარის გადაცემა დღის ბოლომდე უნდა დასრულდეს. აჭარაში 6 ოლქი და 348 უბანია. ბათუმის 79-ე საოლქო საარჩევნო კომისიის ინფორმაციით, 102 უბანზე, 139 ათას 585 ამომრჩეველია რეგისტრირებული. არის სპეც სიაც 700-ზე მეტი გადასატანი ყუთისთვის. სპეც უბანი ბათუმის სასჯელაღსრულების დაწესებულების 105-ე უბანზე გაიხსნება. შეგახსენებთ, რომ არჩევნების დღეს, კაბინაში ამომრჩეველს სამი ფერის ბიულეტენი დახვდება, აქედან ერთი მერობის კანდიდატის ასარჩევად, მეორე მაჟორიტარობის, მესამე კი საკრებულოს პროპორციული სიისთვის იქნება განკუთვნილი.
17
s
s
s