20, ოქტომბერი 2017 17:08:00
“საერთაშორისო გამჭვირვალობა - საქართველომ” თვითმმართველობის არჩევნებისთვის პოლიტიკური პარტიების დაფინანსების შესახებ შუალედური კვლევა გამოაქვეყნა. როგორც ორგანიზაციის აღმასრულებელმა დირექტორმა განაცხადა, პარტიათა შემოწირულობებში დისბალანსი გამოიკვეთა. 1-ელი ივნისიდან 1-ელ ოქტომბრამდე პერიოდში მთლიანი შემოწირულობის 93% “ქართულმა ოცნებამ” მიიღო, რაც 12-ჯერ მეტია დანარჩენი 14 კვალიფიციური სუბიექტის მიერ ჯამურად მიღებულ თანხაზე. ეკე გიგაურის განცახდებით სამწუხარო ტენდენციაა, რომ საქართველოში მოქმედი კომპანიები ყოველთვის ლოიალური არიან მმართველი პარტიისადმი.