29, ნოემბერი 2017 17:03:00
ბათუმის საქალაქო სასამართლოში 11-12 მარტის მოვლენების ორგანიზებაში ბრალდებულების პროცესი მიმდინარეობს. სასამართლო დაცვის მხარის მტკიცებულებებს იკვლევს. ამ წუთებში მერაბ ღოღობერიძის დაცვის მხარის მიერ წარმოდგენილი მოწმეები იკითხებიან. პირველი მოწმე ღოღობერიძის მეუღლე უნდა ყოფილიყო, თუმცა იმ მიზეზით, რომ ის სასამართლო პროცესებს ესწრებოდა, მოსამართლემ მოწმედ არ დაუშვა. დღესვე უნდა დაიკითხოს კიდევ სამი მოწმე და თავად ბრალდებული მერაბ ღოღობერიძე. სასამართლო პროცესზე არ გამოცხადდა საქმეზე მეორე ბრალდებული ირაკლი ჩხვირკია. ის კვირის ბოლოს ჩანიშნულ სხდომას დაესწრება.