03, თებერვალი 2017 08:16:00
ყინვების გამო მხოლოდ მოცურების საწინააღმდეგო ჯაჭვებით არის გადაადგილება შესაძლებელი შუახევის მუნიციპალიტეტის გზებზე. ამ დრომდე გადაადგილება შეუძლებელია მაწყვალთის, კარაპეტის, წაბლანას, კლდისუბნის, თერნალისა და ბესელაშვილების მიმართულებით. აქ გზები გაუწმენდავია. მუნიციპალიტეტის გამგეობის ინფორმაციით, სხვადასხვა მიმართულებით 11 ერთეული ტექნიკა მუშაობს. ელექტროენერგია ყველა სოფელს მიეწოდება. მუშაობს ყველა საჯარო სკოლა. 6 სკოლამდელი აღზრდის დაწესებულებიდან მუშაობს 3 ბაგა-ბაღი. მუნიციპალიტეტის მოსახლეობას შეუფერხებლად მიეწოდება სასმელი წყალი.