12, თებერვალი 2018 17:06:00
მოსახლეობა შპს ,,კრისტალ ბილდინგის“ მენეჯმენტის წინააღმდეგ. ქობულეთში აღმაშენებლის ქუჩაზე კომპანიამ სასტუმროს მშენებლობა დაიწყო, რის შედეგადაც სანაპირო ზოლის გარკვეული ნაწილი შეიღობა. ადგილორივთა თქმით, ტურისტულ სეზონზე ზღვაზე გადასასვლელი აღარ იქნება და ისინი შემოსავლის წყაროს დაკარგავენ. შემოვლითი გზა კი მოშორებითაა. მოსახლეობის პრეტენზიებს კომპანიის წარმომადგენელმა უპასუხა. ვანო ლომიძის თქმით, მთავრობასთან გაფორმებული ხელშეკრულებით აღნიშნული ტერიტორიის შემოღობის უფლება ჰქონდათ. შეგახსენებთ, ქობულეთში 5-ვარსკვლავიანი სასტუმროს მშენებლობას საფუძველი გასული წლის 21 აგვისტოს ჩაეყარა. კომპანია "Crystal Building"- ი 200 მილიონი ლარის ინვესტიციას განახორციელებს.