15, თებერვალი 2018 14:05:00
ქობულეთელ ფერმერებს მუნიციპალიტეტში მიმდინარე წელს დაგეგმილი პროგრამები გააცნეს. შეხვედრაზე ითქვა, რომ შეიქმნება ლოჯისტიკური ცენტრი, სადაც ადგილობრივად წარმოებული პროდუქციის პირველადი დამუშავება, შეფუთვა და ბაზარზე გასატანად მომზადება მოხდება. აგრომეწარმეებს ასევე, გადაეცემათ შემასხურებელი აპარატები. განხორციელდება მეჩაიეობის ხელშეწყობის პროგრამაც, რაც ქაქუთში 20 ჰექტარ მიწის ნაკვეთზე პლანტაციების გაშენებას გულისხმობს. ფერმერებს სასათბურე მეურნეობა უწყებისგან 70 პროცენტით დაუფინანსდება. სამინისტროს პროგრამული ბიუჯეტი 10 მილიონ 168 ათას 575 ლარია. ჯამში 8 პროგრამა და 18 ქვეპროგრამა განხორციელდება.