20, მარტი 2018 14:05:00
საქართველოს ფოლკლორის სახელმწიფო ცენტრის საგამოფენო დარბაზში სოფელ მერისის ფოლკლორულ ანსამბლ „მოყვარეს“ პირველი აუდიოალბომის პრეზენტაცია გაიმართა. გამოცემა ეძღვნება ქართული ფოლკლორის მოამაგეს, ანსამბლის უხუცეს წევრსა და ლოტბარს, ამირან თურმანიძეს. სპეციალურად ამ დღისთვის ქედადან დედაქალაქში ანსამბლის ყველა წევრი ჩავიდა. მათ პრეზენტაციაზე რამდენიმე სიმღერა შეასრულეს.