სახიფათო სანიაღვრე არხები ბათუმში. როგორც დაშავებული თეონა ჩოგაძე ჩვენთან საუბრისას ყვება, ღამის საათებში აეროპორტის გზატკეცილზე მეუღლესთან ერთად გადაადგილდებოდა, რა დროსაც ღია არხში ჩავარდა. მოქალაქეს დაზიანებები თავის არეში აღენიშნება. ღია არხები აღნიშნულ გზატკეცილზე რამდენიმე ადგილასაა. არასამთავრობო ორგანიზაცია "კორუფციასთან ბრძოლის საინფორმაციო ცენტრის" ხელმძღვანელი პასუხისმგებლობას იმ ორგანოებს აკისრებს, ვისაც არხების დალუქვა ევალება. ამასთან მერაბ ღოღობერიძე ბათუმის საუნივერსიტეტო ჰოსპიტალს ფაქტის დამალვაში ადანაშაულებს, ვინაიდან დაწესებულებამ შემთხვევის შესახებ სამართალდამცავ ორგანოებს არ შეატყობინა. ბაუ-ში სატელევიზიო კომენტარი არ გააკეთეს, პირად საუბარში კი აღნიშნეს, რომ ვითარება არ იყო საეჭვო, რის გამოც პოლიციისთვის აღარ მიუმართავთ. აღნიშნული არხები „ბათუმის წყლის“ მოვლა-პატრონობაშია.
1
s
s
s