რუსეთის მცენარეთა დაცვის სპეციალისტებმა, აზიურ ფაროსანასთან ბრძოლის ღონისძიებების და ვითარების გაცნობის მიზნით, გარემოს დაცვისა და სოფლის მეურნეობის სამინისტროს ფიტოსანიტარიული ლაბორატორია და აღმოსავლეთ საქართველოში მავნებლის მონიტორინგის სისტემები დაათვალიერეს. დელეგაცია მავნებელთან ბრძოლის საკოორდინაციო შტაბის მუშაობას გაეცნო, სადაც მავნებლის გავრცელების არეალსა და მონიტორინგის შედეგებს ონლაინ-რეჟიმში იღებენ, იგეგმება ღონისძიებები მუნიციპალიტეტების მიხედვით და მობილიზებულია სპეციალიზებული ტექნიკა. რუსეთის მცენარეთა დაცვის სპეციალისტებმა აღნიშნეს, რომ მავნებელთან ბრძოლაში მნიშვნელოვანია საქართველოს გამოცდილება და ის ღონისძიებები, რომლებიც სახელმწიფოს მიერ ხორციელდება. შესაბამისი ინფორმაცია და ვიდეომასალა სურსათის ეროვნულმა სააგენტომ მოგვაწოდა.
16
s
s
s