ორშაბათი 23, აპრილი 2018

ურეკი და ქობულეთი შესაძლოა ერთმანეთს ტრამვაის ხაზით დაუკავშირდეს

16, აპრილი 2018 14:02:00

ურეკი და ქობულეთი შესაძლოა, ერთმანეთს ტრამვაის ხაზით დაუკავშირდეს.  აღნიშნული სიახლის შესახებ  ურეკი-შეკვეთილის ტურისტულ-სარეკრეაციო კომპლექსის მიწათსარგებლობის გენერალურ გეგმაშია ნათქვამი. გეგმის თანახმად, ქობულეთში, აღმაშენებლის ქუჩა ურეკი-შეკვეთილის ტურისტულ-სარეკრეციო კომპლექსის ტერიტორიაზე გრძელდება.  ტურისტულ-სარეკრეციო კომპლექსის განვითარების პარალელურად, აღნიშნული ქუჩა შესაძლებელია, გახდეს ქობულეთსა და ურეკს შორის დამაკავშირებელი მთავარი სატრანსპორტო კვანძი. გეგმაში ვკითხულობთ, რომ ეს შესაძლოა გახდეს წინაპირობა აღნიშნული მიმართულებით ტრამვაი ამოქმედდეს.