18, აპრილი 2018 20:00:00
ბათუმის საქალაქო სასამართლოს მოსამართლემ ოპოზიციონერების ქმედება ადმინისტრაციულ სამართალდარღვევად მიიჩნია. “ნაციონალური მოძრაობის” წევრები სოლომონ ბაჯელიძე და რევაზ ხარაზი 250-250 ლარით დაჯარიმდნენ. მოსამართლის გადაწყვეტილებას დარბაზში ხმაური მოჰყვა. ხარაზი და ბაჯელიძე სოფელ ხუცუბანში გიგანტური ხის გადატანის დროს ადმინისტრაციული წესით დააკავეს. პოლიციელების ჩვენებით ირკვევა, რომ სოლომონ ბაჯელიძემ ავტომობილით გზა ჩახერგა, რეზო ხარაზი კი ხეზე აძვრა და სამართალდამცველების კანონიერ მოთხოვნას არ დაემორჩილა.