17, თებერვალი 2017 17:25:00
დიდთოვლობასთან დაკავშირებით განცხადებას ავრცელებს აჭარის საგზაო დეპარტამენტი. არჩილ ჩიქოვანის განცხადებით, მუნიციპალიტეტების მასშტაბით გზებზე სულ 50 მდე მძიმე ტექნიკა მუშაობს. ცენტრალური გზების დასუფთავების შემდეგ ტექნიკა შიდა სასოფლო გზებზე გადაინაცვლებს. ჩიქოვანის თქმით, გაწმენდითი სამუშაოები დღის ბოლომდე გაგრძელდება და ხვალ დილიდან ისევ განახლდება. ნალექის მომატების შემთხვევაში კი, სამუშაოებში მუნიციპალიტეტების ცენტრებში მობილიზებული დამატებითი ტექნიკა და ადამიანური რესურსი ჩაერთვება. მასალა აჭარის მთავრობის აპარატმა მოგვაწოდა.