18, ივლისი 2018 20:08:00
ხულოს მუნიციპალიტეტის სოფელ ირემაძეების ტყეში ნაპოვნი ქალის ცხედრის საქმეზე, 75 წლამდე კაცია დაკავებული. ინფორმაციას შინაგან საქმეთა სამინისტროში ადასტურებენ. გამოძიება სისხლის სამართლის კოდექსის 116-ე მუხლით მიმდინარეობს, რაც გაუფრთხილებლობით ადამიანის მკვლელობას გულისხმობს. ქალის ცხედარი სოფლის ტყეში 13 ივლისს, გვიან ღამით იპოვეს. გარდაცვლილი 50 წლამდე ასაკის იყო.