06, სექტემბერი 2018 20:35:00
აჭარის დასაქმების სააგენტო ბიზნეს სექტორში დასაქმებულ 140 მოქალაქეს გადაამზადებს. შრომის უსაფრთხოება, ჯანმრთელობის დაცვა, ადმინისტრირება, ფუნქციონირება და მართვის თანამედროვე მეთოდები და მარკეტინგის მენეჯმენტი- ამ და სხვა საკითხებთან დაკავშირებით ტრენინგები 11 სექტემბერს ჩატარდება . იგეგმება მასტერკლასების ჩატარება რამდენიმე მიმართულებით, მათ შორის - ქართული სამზარეულოს ევროპულად წარდგენა; ქართული ალკოჰოლური და უალკოჰოლო სასმელების გამოყენებით კოქტეილების მომზადება. დასაქმების სააგენტო პროგრამას 2017 წლიდან ახორციელებს. გასულ წელს 300 პირი გადამზადდა.