08, ოქტომბერი 2018 14:22:00
ბათუმი-სარფის ცენტრალურ მაგისტრალზე აქცია გაიმართა. ახალსოფლის მოსახლეობამ გზა გადაკეტა. ისინი თანასოფლელის გარდაცვალების გამო შეიკრიბნენ. როგორც აქციის მონაწილეებმა განაცხადეს, 60-წლამდე კაცი პატრულმა გააჩერა, რომელმაც ეკიპაჟს განუცხადა, რომ ცუდად იყო და წამალი სჭირდებოდა. მათი თქმით, პატრულმა ის არ გაუშვა, რა დროსაც იგი მოულოდნელად გარდაიცვალა. შეკრებილები საპატრულო ეკიპაჟის წევრების დასჯას ითხოვენ. მომხდართან დაკავშირებით შინაგან საქმეთა სამინისტრომ განცხადება უკვე გაავრცელა. უწყების ცნობით, კაცი მას შემდეგ გარდაიცვალა, რაც შემოწმების შემდეგ მოძრაობა განაგრძო. მომხდარზე გამოძიება გენერალურმა ინსპექციამაც დაიწყო, პატრულ-ინსპექტორებს კი გამოძიების დასრულებამდე უფლებამოსილება შეუჩერდათ