აჭარის ჯანდაცვის სამინისტროს ბიუჯეტი 894 130 ლარით გაიზარდა და საერთო ჯამში, 2019 წლისთვის 17 722 635 ლარს შეადგენა. 

აქედან უწყება 7 479 600 ლარს, ჯანმრთელობის დაცვის სხვადასხვა პროგრამებს მოახმარს.  პროექტის მიხედვით, იზრდება შემდეგი პროგრამების დაფინანსება: 

✔ ზოგიერთი სოციალური კატეგორიის მოსახლეობის სამედიცინო მომსახურების დაფინასება - 400 00 ლარი;
✔მოსახლეობის  საზღვარგარეთ მკურნალობის დაფინანსება - 500 000 ლარი;
✔სქოლიოზით დაავადებულ ბავშთა რეაბილიტაცია  - 195 845 ლარი;
✔ ბავშვთა ფსიქოსომატური აბილიტაცია /რეაბილიტაცია - -1 141 700 ლარი;
✔ შშმ ბავშვთა სოციალური ადაპტაცია -  27 000;
✔ აუტიზმის სპექტრის დარღვევის მქონე ბავშვთა რეაბილიტაცია - 180 000 ლარი.

სამინისტრო წინა წლის მსგავსად, ეკომიგრანტი ოჯახებისთვის საცხოვრებელი ფართის შესაძენად,  მომდევნო წელსაც 3 000 000 ლარის დახარჯვას გეგმავს.

რაც შეეხება სამინისტროს საქვეუწყებო დაწესებულებებს, სსიპ საზოგადოებრივი ჯანდაცვის ცენტრის ბიუჯეტი 2019 წელს, 1 276 780 ლარი იქნება. აქედან  486 200 ლარი სხვადასხვა პროგრამების განხორციელებას მოხმარდება.

20 700 ლარით შემცირდა   სსიპ დასაქმების სააგენტოს ბიუჯეტი და მომდევნო წლისთვის 701 210 ლარით განისაზღვრა. 
 
საერთო ჯამში, 2019 წელს აჭარის ჯანდაცვის სამინისტრო, საქვეუწყებო დაწესებულებებთან ერთად, 31 პროგრამის განხორციელებას გეგმავს.

Tags:

გაზიარება

1