12, დეკემბერი 2018 14:05:00
უკანონო სამეწარმეო საქმიანობის ფაქტზე, საქართველოში მცხოვრები ირანის ისლამურესპუბლიკის შვიდი მოქალაქეა დაკავებული. გამოძიებით დგინდება, რომ ბრალდებულები, მათ ქვეყანაში ფულად გზავნილებს, შესაბამისი ნებართვისა და ლიცენზიის გარეშე, ქართული საბანკო სისტემის გვერდის ავლით ახორციელებდნენ. მხოლოდ ერთი წლის განმავლობაში მათ მიერ უკანონო სამეწარმეო საქმიანობის შედეგად მიღებულმა შემოსავალმა, საერთო ჯამში - 2 097 000 ლარი შეადგინა. დაკავებულების ოფისებსა და საცხოვრებელ სახლებში ჩატარებული ჩხრეკის შედეგად, დიდი ოდენობით ფულადი თანხა, „შავი ბუღალტერია“ და ირანული წარმოების ტერმინალები იქნა ამოღებული.