13, დეკემბერი 2018 14:05:00
ბათუმის რესპუბლიკური საავადმყოფოს მშენებლობა ბოლო ეტაპზეა. როგორც აჭარის ფინანსთა და ეკონომიკის სამინისტროში აცხადებენ, სამუშაოები წლის ბოლოს უნდა დასრულდეს. თუმცა, მიუხედავად ამისა, ჯერ კიდევ ისევ უცნობია რა თანხა დაიხარჯება მრავალპროფილური კლინიკის აღჭურვილობაზე. ცნობილია ის, რომ აჭარის ჯანდაცვის სამინისტროს მომდევვნო წლის ბიუეჯტში, ამისთვის საჭირო თანხა არ აქვს გათვალსიწინებული. რამდენი ლარი დასჭირდება კლინიკის ინვენტარს და როდის მოხდება მისი ექსპლუატაციაში შესვლა? - კითხვაზე პასუხი ვერც საქართველოს ჯანდაცვის სამინისტროსგან მივიღეთ. აქ მინისტრის მიერ, ნოემბერში გაკეთებულ განცხადებაზე საუბრობენ. მაშინ სერგეენკომ თქვა, რომ დაწესებულების აღჭურვა სავარაუდოდ, მომდევნო წლის გაზაფხულიდან დაიწყება, რაც ცენტრალური ბიუჯეტის პასუხისმგებლობა იქნება. დამატებით განმარტებაზე კი, სერგეენკოს უწყების პრესამსახურისგან პასუხი, ამ დრომდე ვერ მივიღეთ.