20, დეკემბერი 2018 14:06:00
პრობლემური სესხების განულებისთვის შექმნილ სპეციალურ ვებგვერდზე - vali.ge მონაცემები კვლავ განახლდა. ერთიან ბაზას კიდევ 7 საფინანსო ორგანიზაციის მონაცემები დაემატა. ამ დროისთვის, ვებგვერდზე 586 ათას 446 მსესხებლის შესახებ ინფორმაციაა განთავსებული. ჯამში პორტალზე 26 საფინანსო ორგანიზაციის მონაცემები იძებნება. შეგახსენებთ, რომ ვებგვერდზე საკუთარი მონაცემების შესამოწმებლად საჭიროა სამი მარტივი ეტაპის გავლა: მსესხებლის პირადი ნომრის შეყვანა; დაბადების დღე/თვე/წელი შეყვანა ასევე, უსაფრთხოების მიზნით სპეციალური გრაფის მონიშვნა.
ამ პროცედურების გავლის შემდეგ, თუ მსესხებელი იპოვის თავის მონაცემებს, ეს ნიშნავს იმას, რომ მას 15 დეკემბრიდან 31 დეკემბრის პერიოდში, გაუნულდება დავალიანება. იმ შემთხვევაში, თუ ფიზიკური პირი საკუთარ თავს ვერ აღმოაჩენს ვებგვერდზე წარმოდგენილ მონაცემებში, უნდა მიმართოს სესხის გამცემ ორგანიზაციას.