21, დეკემბერი 2018 20:30:00
„სწავლა-სწავლებისა და განათლების თანამედროვე მიდგომები“ - ბათუმში აჭარის პედაგოგთა მეხუთე რეგიონული კონფერენცია გაიხსნა. როგორ გადასცენ ინფორმაცია სწავლების პროცესში, რა არის მთავარი გამოწვევები, ამ და სხვა საკითხებზე კონფერენციაში მონაწილე პედაგოგები საკუთარ გამოცდილებას ერთმანეთს სამი დღის განმავლობაში გაუზიარებენ. სწავლა-სწავლების საკუთარი ხედვები პედაგოგებს პრეზენტაციის სახით აქვთ მომზადებული. საუკეთესო პრეზენტაციის ავტორები კონფერენციის დასასრულს გამოვლინდებიან. მათ სპეციალური სერტიფიკატები გადაეცემათ.