24, დეკემბერი 2018 14:08:00
შინაგან საქმეთა სამინისტროს ინფორმაციით, გასული წლის 1-ელი ივლისიდან მიმდინარე წლის 5 ნოემბრის ჩათვლით თბილისში, ბათუმსა და ქუთაისში ე.წ. უკონტაქტო პატრულმა სიჩქარის გადაჭარბების 37 951 შემთხვევა გამოავლინა. აღნიშნულ პერიოდში ბათუმში სიჩქარის გადაჭარბების 12 462, ქუთაისში - 12 665, თბილისში კი 12 824 შემთხვევა დაფიქსირდა. შეგახსენებთ, რომ 2017 წლის 1-ელი ივლისიდან ე.წ. უკონტაქტო პატრულირების ადმინისტრირების წესი ამოქმედდა, რაც პოლიციის სარგებლობაში არსებულ, შესაბამისი ამოსაცნობი ნიშნების არმქონე ავტოსატრანსპორტო საშუალებაზე ავტომატური ფოტო და ვიდეოტექნიკის, არასტაციონარული სიჩქარის მზომი ხელსაწყოს განთავსებისა და გამოყენების, აგრეთვე, მონაცემთა დამუშავების პირობებსა და პროცედურებს ითვალისწინებს