H1N1 -ს შემთხვევები აჭარაში. რეგიონში ვირუსით გარდაცვალების პირველი შემთხვევა დღეს დაფიქსირდა. ე.წ ღორის გრიპი ლაბორატორიულად დადასტურებულია.
ბათუმის რესპუბლიკური საავადმყოფოს დირექტორი ვარაუდობს, რომ პაციენტმა სამედიცინო დაწესებულებას დაგვიანებით მიმართა. H1N1 ვირუსით 53 წლის ქალი დღეს დილით გარდაიცვალა. ფატალური შემთხვევა წელს პირველად დაფიქსირდა.
გრიპის ტიპის ვირუსი ყველა ასაკობრივ კატეგორიაშია გავრცელებული, თუმცა განსაკუთრებით მაღალი რისკის მქონე პაციენტები ორსულები არიან, ასევე, ჩამონათვალში მოხუცები და ბავშვები შედის. H1N1 გრიპის შემთხვევა ორგანიზმში სხვადასხვა სირთულეებით მიმდინარეობს.
აჭარის ჯანდაცვის ცენტრში ამბობენ, რომ ვირუსის გავრცელების მაღალი რისკი არ არსებობს. თუმცა მინისტი მოქალაქეებს უსაფრთხოების მიზნით ვაქცინაციის ჩატარებისკენ მოუწოდებს.
დაავადებათა კონტროლის ცენტრის ინფორმაციით, ბოლო 3 კვირის განმავლობაში ლაბორატორიულად გრიპის 63 შემთხვევა დადასტურდა, აქედან 95% სწორედ H1N1-ია.
ჯანდაცვის მსოფლიო ორგანიზაციის მონაცემებით A ტიპის ვირუსი ანუ H1N1, საქართველოში პირველად 2009 წელს დაფიქსირდა. როგორც კვლევებით დადგინდა, საგნის ზედაპირზე მოხვედრილი ღორის გრიპის ვირუსი ინკუბაციის პერიოდს 2-დან 8 საათის განმავლობაში ინარჩუნებს.
10
s
s
s