24, დეკემბერი 2018 20:03:00
იგივე თავმჯდომარე ცენტრალურ საარჩევნო კომისიას. ცესკოს ისევ თამარ ჟვანია ისევ 5 წლით უხელმძღვანელებს. გადაწყვეტილება კომისიამ დღეს მიიღო. რას ეჭვობენ ოპოზიციაში? რატომ გაიმარჯვა ყოფილმა ხელმძღვანელმა დამაჯერებელი უპირატესობით ?
8 ხმით ერთის წინააღმდეგ - ცენტრალური საარჩევნო კომისიის თავმჯდომარე მეორე ვადით ისევ თამარ ჟვანია გახდა. კენჭისყრაში მონაწილოება ცესკოში „ნაციონალური მოძრაობის“ და „ევროპული საქართველოს“ წარმომადგენლებს არ მიუღიათ, მათი თქმით, ის რაც დღეს არჩევნებად შეფასდა რეალურად ფარსია, რომელშიც მონაწილეობა არ სურდათ.
ოპოზიციის შეფასებას არ ეთანხმება ცეკოს ხელმეორედ არჩეული თავმჯდომარე. თამარ ჟვანიას თქმით, ისეთ თანამდებობაზე, როგორზეც ის არის ხარკს არავინ იხდის და მთავარი მხოლოდ ნეიტრალიტეტი და დამოუკიდებლობაა.
ცეკოს თავმჯოდმარის პოსტის დასაკავებლად თამარ ჟვანიას გარდა კიდევ ორი კანდიდატი იბრძოდა. ვლადიმერ ბოჟაძემ კენჭისყრის შედეგად მხოლოდ ერთი ხმის მიღება შეძლო, მარიამ შელეგიას კი კომისიის არცერთმა წევრმა არ დაუჭირა მხარი, თუმცა ვიდრე ხმის მიცემის პროცედურა დაიწყებოდა შელეგია იმ ხარვეზებზე საუბრობდა, რაც კანონში არსებობს. მისი თქმით, თავმჯდომარის არჩევის წესში ცვლილება უნდა შევიდეს, რადგან მოქმედი ნორმა უპირატეს პოზიციაში აყენებს ცესკოს მოქმედ თავმჯდომარეს.
მიუხედავად იმისა, რომ თამარ ჟვანიას საკუთარი კანდიდატურის სასარგებლოს ხმის მიცემის უფლება ჰქონდა მან ეს შანსი დღეს არ გამოიყენა. ცენტრალური საარჩევნოს კომისიის თავმჯდომარის პოსტი ჟვანიამ კიდევ 5 წლის ვადით გაიხანგრძლივა.