25, დეკემბერი 2018 14:10:00
ქობულეთის მუნიციპალიტეტის მერიის და საკრებულოს თანამდებობის პირებს ქონებრივი დეკლარაცია არასრულად აქვთ შევსებული - ასეთი შედეგი „საერთაშორისო გამჭვირვალობა - საქართველოს” კვლევამ აჩვენა. არასამთავრობო ორგანიზაციამ 30-მდე დეკლარაცია შეისწავლა საიდანაც, ხარვეზი 10-მდე დოკუმენტში დაფიქსირდა. თანამდებობის პირებმა არ მიუთითეს ან არასწორად აღნიშნეს ოჯახის წევრების ქონება და სამეწარმეო საქმიანობა - დარღვევებს შორის ყველაზე მეტია შემთხვევა სწორედ ამ მიმართულებით დაფიქსირდა. 3 შემთხვევაში საჯარო მოხელეებმა კომპანიებში კუთვნილი წილების მართვის უფლება სხვა პირებს არ გადასცეს, რაც კანონდარღვევაა. ქობულეთის მერიის ეკონომიკის, ინფრასტრუქტურისა და საინვესტიციო განვითარების სამსახურის უფროსს დეკლარაციაში არ აქვს მითითებული შპს „მზიურში” კუთვნილი 20%-იანი წილი, რითაც მესამე სექტორის შეფასებით, საჯარო დაწესებულებაში ინტერესთა შეუთავსებლობისა და კორუფციის შესახებ კანონის მე-15 მუხლია დარღვეული. მერიის კულტურის, განათლების, სპორტის, ტურიზმისა და ძეგლთა დაცვის სამსახურის შვილი შპს „უტა 25-ის” დირექტორი და 50%-იანი წილის მფლობელია, რაც დეკლარაციაში არ არის ასახული.