31, იანვარი 2019 17:18:00
დედაქალაქში, ქეთევან წამებულის გამზირზე გარდაცვლილი 7 ადამიანიდან ორი ძმა, ორი - მამა-შვილი, დანარჩენი სამი კი სხვადასხვა ოჯახის წევრები არიან. ინფორმაციას მეზობლები ადასტურებენ. ისანში, წამებულის გამზირის 67 ნომერში მოქალაქეები სავარაუდოდ, მხუთავი აირის CO-ს გაჟონვის შედეგად დაიღუპნენ. გავრცელებული ინფორმაციით, ყველა მათგანი ნაქირავებ ბინაში ცხოვრობდა. შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 240-ე მუხლის მესამე ნაწილით დაიწყო, რაც გულისხმობს ელექტრო, ან თბოენერგიის, გაზის, ნავთობის, ან ნავთობპროდუქტების უსაფრთხოების წესების დარღვევას, რასაც მოყვა 2, ან მეტი ადამიანის სიცოცხლის მოსპობა.