01, თებერვალი 2019 17:18:00
აჭარის განათლების, კულტურისა და სპორტის მინისტრის ინგა შამილიშვილის მოადგილედ ალექსანდრე დავითაძე დაინიშნა, რომელიც მანამდე აჭარის მთავრობის საერთაშორისო ურთიერთობათა და პროტოკოლის დეპარტამენტის უფროსი იყო. იგი მანამდე აჭარის უმაღლეს საბჭოში ჯანმრთელობის დაცვისა და სოციალურ საკითხთა კომიტეტის უფროს სპეციალისტად მუშაობდა. ახალი მოადგილე თანამშრომლებს რეგიონის პირველმა პირმა და განათლების მინისტრმა წარუდგინეს. თორნიკე რიჟვაძემ შეხვედრისას სამინისტროში დასაქმებულები მკაცრად გააფრთხილა და აღნიშნა, რომ უფრო ეფექტურად იმუშაონ. რიჟვაძემ სამინისტროში რეოგრანიზაციის პროცესიც დაანონსა.