04, თებერვალი 2019 17:15:00
აჭარის განათლების სამინისტროსთან სტუდენტები შეიკრიბნენ, რომლებიც საზღვარგარეთ სწავლობდნენ და ბათუმში მობილობით გადმოდიან. ისინი საქართველოს უნივერსიტეტებში დასაბრუნებლად ზოგადი უნარების გამოცდის მოხსნას ითხოვენ. ამბობენ, რომ მათ არ ჰქონდათ ინფორმაცია იმის შესახებ, რომ საქართველოში სწავლის გაგრძელების შემთხვევაში აღნიშნული გამოცდის ჩაბარება მოუწევდათ. ბათუმში ასეთი 200-მდე სტუდენტია. აქციის მონაწილეებს აჭარის განათლების მინისტრი შეხვდა და საქართველოს განათლების სამინისტროსთან შუამდგომლობას დაჰპირდა.