05, თებერვალი 2019 17:09:00
საერთაშორისო უფლებადამცველმა ორგანიზაციამ მსოფლიოში თავისუფლების შესახებ 2019 წლის რეიტინგი გამოაქვეყნა. საქართველო კვლავ ნაწილობრივ თავისუფალ ქვეყნებს შორის მოხვდა. ჩვენს ქვეყანას 100-დან 63 ქულა აქვს მინიჭებული. ადამიანის თავისუფლება, პოლიტიკური უფლება და სამოქალაქო თავისუფლება შვიდიდან სამი ქულით შეფასდა. „ფრიდომ ჰაუსის“ ვებ-გვერდზე აღნიშნულია, რომ მსოფლიოში ყველაზე თავისუფალ ქვეყნებად ფინეთი, ნორვეგია და შვედეთი დასახელდა. მათ მაქსიმალური, 100 ქულა აქვთ მინიჭებული.