11, თებერვალი 2019 17:15:00
აჭარის უმაღლეს საბჭოში ზაზა ოქუაშვილი მერაბ ბლადაძემ ჩაანაცვლა. რიგგარეშე სხდომაზე, საკითხს 18-მა დეპუტატმა დაუჭირა მხარი. ოქუაშვილი, რომელიც რეგიონის წარმომადგენლობით ორგანოში „პატრიოტთა ალიანსის“ სიით მოხვდა, დეპუტატობაზე უარი საკუთარი განცხადების საფუძველზე განაცხადა. მერაბ ბლადაძე ამბობს, რომ ძირითადად ოპოზიციასთან ითანამშრომლებს, თუმცა ასევე, მხარს დაუჭერს მმართველი გუნდის სასიკეთო ინიციატივებსაც. აჭარის უმაღლეს საბჭოში 21 დეპუტატია, მათგან 14 „ქართულ ოცნებას“, 5 „ნაციონალურ მოძრაობას“, ერთი „პატრიოტთა ალიანსს“ და ერთი ნინო ბურჯანაძის პარტიას წარმოადგენს.