19, თებერვალი 2019 17:08:00
ოპოზიციის განცხადებას ბათუმის საბავშვო ბაღების გაერთიანებაში უპასუხეს, სადაც განმარტეს, რომ „ნაციონალური მოძრაობის“ მიერ სოციალურ ქსელებში გავრცელებული მოსაზრებები სიმართლეს არ შეესაბამება. აქ ამტკიცებენ, რომ ბათუმის ყველა საბავშვო ბაღში ვარგისიანი საქონლის ხორცი შედის. დირექტორის თქმით, ცხენის ხორცის შეტანის ფაქტი სკოლამდელ დაწესებულებაში არასდროს დაფიქსირებულა. მამუკა შამილიშვილი დასძენს, რომ საბავშვო ბაღებს ხორცი შესაბამისი საბუთების წარდგენის შემდეგ მიეწოდება.