19, თებერვალი 2019 17:06:00
2018 წელს ბაზარზე დაშვების უფლების არმქონე და ვადაგასული ფარმაცევტული პროდუქტის რეალიზაციის ფაქტები გამოვლინდა. ამის შესახებ სამედიცინო საქმიანობის სახელმწიფო რეგულირების სააგენტოს მიერ გამოქვეყნებულ 2018 წლის ანგარიშშია აღნიშნული. ანგარიშის მიხედვით, 2018 წლის 1-ლი იანვრიდან 2019 წლის 1-ელ იანვრამდე პერიოდში ფარმაცევტული საქმიანობის კონტროლის 810 ღონისძიება განხორციელდა, მათ შორის: 652 შემთხვევაში სამართალდარღვევის ფაქტები გამოვლინდა, რაზეც ოქმები შედგა. მონიტორინგის დროს ასევე, სამართალდარღვევების გამო 2018 წელს 23 ავტორიზებულ აფთიაქს ნებართვა გაუუქმდა.