12, იანვარი 2017 11:13:00
მიმდინარე წელს პირველად აჭარის ჯანდაცვის სამინისტრო „მოზრდილი მოსახლეობის სამედიცინო რეაბილიტაციის“ ქვეპროგრამას განახორციელებს. პროგრამა ნებისმიერი ორგანული სისტემის დაავადებით ან დაზიანებით განპირობებული უუნარობის მკურნალობას გულისხმობს. უწყება ამ მიმართულებით წელს ერთ პიროვნებაზე 5000 ლარს დახარჯავს.
სიახლეა მოსახლეობის ინდივიდუალური სამედიცინო დახმარების პროგრამაშიც. ღვიძლის ტრანსპლანტაციას სამინისტრო წელს 10 000- ის ნაცვალდ 50 000 ლარით დააფინანსებს. წლის განმავლობაში უწყება 5 პაციენტის დაფინანსებას გეგმავს. რიგითობას კი ექიმი ტრანსპლანტოლოგი ბენეფიციარის მდგომარეობის სიმძიმის მიხედვით განსაზღვრავს.
ცვლილებები შევიდა „ზოგიერთი სოციალური კატეგორიის მოსახლეობის სამედიცინო მომსახურების თანადაფინანსების“ პროგრამაში და მასში წელს გამოხატული შეზღუდული შესაძლებლობის სტატუსის მქონე პირები ასაკობრივი შეზღუდვის გარეშე ჩაერთვებიან.
სოფლად მოსახლეობის ექიმამდელი სამედიცინო დახმარების პროგრამა კი მეტი ეფექტურობისათვის განსახორციელებად მუნიციპალიტეტებს გადაეცათ, შესაბამისად პროგრამის ბიუჯეტი 733 ათასი ლარით შემცირდა. ჯამში, მიმდინარე წელს, აჭრის ჯანდაცვის სამინისტრო და სიპები - საზოგადოებრივი ჯანდაცვისა ცენტრი და დასაქმების სააგენტო 25 პროგრამას განახორციელებს.