25, თებერვალი 2019 17:12:00
გედევან ფოფხაძე მმართველ გუნდს ტოვებს - ამის შესახებ დეპუტატმა პრესკონფერენციაზე განაცხადა. ფოფხაძე საპარლამენტო უმრავლესობის გარდა, პარტია „ქართულ ოცნებასა“ და ფრაქციასაც გამოეთიშება. მისი თქმით, გუნდს გადაწყვეტილების შესახებ 22 თებერვალს აცნობა. დეპუტატი მმართველი გუნდიდან წასვლის მიზეზად სასამართლო სისტემაში მიმდინარე პროცესებს ასახელებს. ცნობისთვის, რამდენიმე დღის წინ საპარლამენტო უმრავლესობა ეკა ბესელიამ და ბექა ნაცვლიშვილმაც დატოვეს.