26, თებერვალი 2019 17:08:00
ადამიანის უფლებების სწავლების და მონიტორინგის ცენტრმა ნარკოტიკული დანაშაულისთვის მსჯავრდებული ირაკლი ჩხეიძის სახელით საკონსტიტუციო სასამართლოს მიმართა.ორგანიზაცია სადავოდ ხდის მინიმალური ოდენობით ნარკოტიკული ნივთიერების ,,მეტამფეტამინის“ ფლობის კრიმინალიზებას და ამ ქმედებისთვის, სასჯელის სახით ხუთიდან რვა წლამდე თავისუფლების აღკვეთის განსაზღვრას.ცენტრის წარმომადგენელი მიიჩნევს, რომ ჩხეიძის საქმეში არსებული მინიმალური ოდენობის ნარკოტიკული საშუალებების ფლობა არ წარმოადგენს იმ ხარისხის საშიშროების ქმედებას, რომ მასზე გავრცელდეს სისხლის სამართლებრივი რეჟიმი. და ეწინააღმდეგება კონსტიტუციით დაცულ თანასწორობის პრინციპს.