28, თებერვალი 2019 17:07:00
„საქართველოს დემოკრატიული ინიციატივა“ საქართველოს იუსტიციის უმაღლესი საბჭოს წინააღმდეგ“ - საკონსტიტუციო სასამართლოში საქმის არსებითი განხილვა მიმდინარეობს. სადავოდ გამხდარია ის ნორმა, რომლის მიხედვითაც მოსამართლეობის კანდიდატებთან გასაუბრება ტარდება საბჭოს დახურულ სხდომაზე. მოსარჩელე მიიჩნევს, რომ სადავო ნორმა არღვევს კონსტიტუციით გარანტირებულ გამოხატვის თავისუფლების უფლებას ,რადგან ირღვევა დაინტერესებული პირების უფლება, მიიღონ ინფორმაცია იმის შესახებ, თუ როგორ წარსდგა მოსამართლეობის თითოეული კანდიდატი იუსტიციის უმაღლესი საბჭოს წინაშე. აგრეთვე არ არის ხელმისაწვდომი მოსამართლეობის კანდიდატებთან გასაუბრების შედეგები.