28, თებერვალი 2019 17:09:00
ბათუმის მერია ამჯერად ქალაქის საპლაჟო ზოლში უნებართვოდ განთავსებული ობიექტების მეპატრონეებს აფრთხილებს. უწყება მათ 3 დღიან ვადას აძლევს. ამ პერიოდში მეპატრონეებმა ობიექტების დემონტაჟი და ტერიტორიის გათავისუფლება უნდა უზრუნველყონ. მოთხოვნის შეუსრულებლობის შემთხვევაში, მერიის შესაბამისი სამსახური თავად განახორციელებს დემონტაჟს. მეპატრონის მიმართ კი კანონით გათვალისწინებული ღონისძიებები გატარდება.