11, მარტი 2019 17:10:00
ხულოს მუნიციპალიტეტში მცხოვრები მერის მოვალეობის შემსრულებელს უფლებამოსილების გადამეტებაში ადანაშაულებს. საუბარია იმ პერიოდზე, როცა ვახტანგ ბერიძე მუნიციპალიტეტის პოლიციას ხელმძღვანელობდა. მადონა ბოლქვაძე ამბობს, რომ 2016 წლის 6 მაისს, ჰესების წინააღმდეგ გამართულ აქციაზე, პოლიციელებმა იგი პოლიტიკური ნიშნით დააკავეს. პროცესში კი უშუალოდ ბერიძის ბრალეულობაზე საუბრობს. ბოლქვაძე ირწმუნება, რომ სასამართლომ იგი უდანაშაულოდ ცნო. საპირპისპიროს ამტკიცების მერის მოვალეობის შემსრულებელი. ვახტანგ ბერიძე ბრალდებას არ იზიარებს და ამტკიცებს, რომ მოსამართლემ მას ჯარიმა არ დააკისრა, თუმცა სამართალდამრღვევად ცნო.