18, მარტი 2019 17:04:00
ბათუმის ბულვარის გაგრძელების პროექტს და მდინარე ჭოროხზე ახალი ბულვარის გონიოსთან დამაკავშირებელი ხიდის მშენებლობას აზიის განვითარების ბანკი დააფინანსებს. ბათუმში აზიის განვითარების ბანკის წარმომადგენლები იმყოფებოდნენ. მხარეებს შორის შესაბამისი შეთანხმება უკვე მიღწეულია. მშენებლობისთვის განსაზღვრული ტერიტორია და ახალ ბულვარში მიმდინარე ნაპირსამაგრი სამუშაოები აჭარის ფინანსთა მინისტრმა, აზიის განვითარების ბანკის აღმასრულებელმა დირექტორმა და სხვა წარმომადგენლებმა დაათვალიერეს. დღეისთვის აზიის განვითარების ბანკი საქართველოში სხვადასხვა პროექტს 1,9 მილიარდი დოლარით აფინანსებს.