„ვერ დავიჯერებ, რომ ჩემი სამინისტროდან ვინმე ყოფილიყო ჩართული პროცესებში, არასწორი ინფორმაცია გაქვთ“ - ასეთია აჭარის ჯანდაცვის მინისტრის ზაალ მიქელაძის პასუხი „მაცნეს“ შეკითხვაზე, რა მიზანს ემსახურებოდა გადაცემა „საზოგადოებრივი პოზიციის“ წინ რედაქციაში განხორციელებული ზარები. მინისტრმა აღნიშნა, რომ უწყებას არ მიუძღვის წვლილი, არც გარდაცვლილი მელანო ფუტკარაძის ნათესავების გადარწმუნებაში და არც რადიოლოგ ეკა ფუტკარაძის დარწმუნებაში, შეეჩერებინა უფლებამოსილება. შეგახსენებთ, გუშინ, თოქ-შოუში მსჯელობის თემა ახალგაზრდა ქალის გარდაცვალების საქმე უნდა ყოფილიყო. თანხმობის მიუხედავად, გადაცემის დაწყებამდე 30 წუთით ადრე გარდაცვლილის ნათესავებმა გვაცნობეს, რომ ეთერში მოსვლისგან თავს შეიკავებდნენ, რასაც პარალელურად სატელეფონო ზარებიც ერთვოდა, მათ შორის შემდეგი შინაარსით: არ შემდგარიყო გადაცემა. ასევე, რამდენიმე ზარი განხორციელდა აჭარის ჯანდაცვის სამინისტროსდან. აქ ინტერესდებოდნენ, გავიდოდა თუ არა ნამდვილად გადაცემა ეთერში და ვინ იყვნენ სტუდიის სტუმრები.
1
s
s
s